मिति २०८१ बैशाख ७ र ८ गते बोजनी रिसोर्ट नगरकोटमा तारकेश्वर नगरपालिकाको आयोजनामा उप-प्रमुख संग महिला शिक्षक-प्रशिक्षण तथा अन्तरक्रिया कार्यक्रम उपप्रमुख सृजना बुर्लाकोटी अर्याल ज्यू को अध्यक्षतामा सम्पन्न भयो । नगर प्रमुख कृष्ण हरि महर्जन ज्यू  प्रमुख अतिथी रहनुभएको यस कार्यक्रममा नगर शिक्षा अधिकारी पदम बहादुर खत्री ज्यू, शिक्षा अधिकृत सन्तोष खनाल ज्यू, प्रशासन शाखा प्रमुख रचना शर्मा पन्थी ज्यू, सुचना प्रविधी अधिकृत अशोक कुमार श्रेष्ठ ज्यू, तारकेश्वर नगरपालिका अन्तर्गतका २१ सामुदायिक विद्यालय र १ महिला विद्यालय सहित १७२ जना महिला शिक्षकहरुको सो कार्यक्रममा सक्रिय सहभागिता रहेको थियो । कार्यक्रममा श्रोत बिज्ञ ईश्वर श्रेष्ठ र डा. बिजय ज्ञवालीले शिक्षकहरुले पढाउने तरिका, विद्यार्थीहरु संग गरिने व्यवहार, मनोसामाजिक बिषयको बारेमा प्रस्तुतीकरण दिनुभयो । स्वागत मन्तब्य शिक्षा शाखा प्रमुख पदम बहादुर खत्रीले राख्नु भएको थियो भने नगर प्रमुख कृष्ण हरि महर्जन ज्यूले शिक्षकको स्व-मुल्यांकन, शिक्षकहरुले ध्यानदिनु पर्ने बिषयमा प्रस्तुतीकरण दिनुभयो । प्रस्तुतीकरणको अन्त्यमा नगर प्रमुख ज्यूले गितमा नचाएर मनोरञ्जन गराउनु भएको थियो । महिला शिक्षकहरुले विभिन्न विषयमा आ-आफ्नो समस्या राख्नुभएको थियो । शिक्षा अधिकृत सन्तोष खनालले कार्यक्रम संचालन गर्नुभएको यस कार्यक्रमको समापन उपप्रमुख सृजना बुर्लाकोटी अर्याल ज्यूले गर्नुभएको थियो । कार्यक्रममा महिला शिक्षकहरु उत्सुकतापुर्वक कार्यक्रमको अन्त्यसम्म सहभागी हुनुभई कार्यक्रमलाई सफल बनाई दिनुभएकोमा तारकेश्वर नगरपालिका धन्यबाद ब्यक्त गर्दछ ।