तपाई नगरबासी तथा सम्पर्ण दाजु, भाई तथा दिदी बहिनीहरुमा तारकेश्वर नगरपालिकाको तर्फबाट हार्दिक अनुरोधका साथ आवह्नान गरिन्छ कि विश्वव्यापि रुपमा फैलिएको कोरोना भाइरस (COVID-19) बाट बच्न र बचाउन हामी सबै सचेत र सजग भै आएता पनि केहि व्यक्तिहरु बाहिर हिडडुल तथा जमघट भै रहेको पाइएकोले उक्त महामारी बाट बच्न र बचाउनको लागि तारकेश्वर नगरपालिकाको तर्फबाट यहाँहरु सम्पुर्णलाई आ-आफ्नो घर कोठामा बसी सहयोग गरिदिनु हुन विनम्र अनुरोध गर्दछौं । साथै मन्दिरमा समेत धेरै जमघट नगरिदिनु होला र अत्यावश्यक समान तथा बस्तु खरिद गर्दा पनि बढी भिडभाड नगरि खरिद गरिदिनुहोला र विदेशबाट आएका व्यक्ति तथा महानुभावहरुले आ-आफ्नो जानकारी सम्बन्धित वडा अध्यक्षलाई दिई आ-आफ्नो घरमा अन्य परिवारबाट समेत छुटै बसी सहयोग गरीदिनु हुन अनुरोध गर्दछु ।
विश्वव्यापी महामारीको रुपमा फैलिएको कोरोना भाइरस (COVID-19) को रोकथाम र नियन्त्रणका लागि तारकेश्वर नगरपालिकाबाट हालसम्म भएका कार्यहरुको विवरण निम्नानुसार भएको व्यहोरा अनुरोध छ । यस परिस्थितिमा सम्पुर्ण नगरबासिले धैर्यका साथ उच्च सतर्कता अपनाउनु हुन समेत अनुरोध छ । - रामेश्वर बोहरा, नगर प्रमुख, तारकेश्वर नगरपालिका ।